今日氣溫成28度。朝早如舊係中環地鐵站出發，途中例必聽見英皇道電車的聲音….「丁丁丁」的響。沿路見到不少銀行，令我想起以前在皇后大道中某銀行做分行的日子。忽然手機響起，原來是一位以前工作認識的Banker, 傾左陣問我有冇邊間銀行搵緊Team Head位。「Macy， 點解你會想轉工既？」「Jojo, 你做獵頭都知而家轉工high season啦, 我做完Appraisal出左Bonus, 心思思想睇下其他銀行有冇好機會 」
突然想起好多年前初做獵頭顧問時有一次經驗！有個Banker在自己銀行做了整整10年但一直升不到Team Head位。佢同我講每年一定到數，每年Appraisal 都 above average, 所有新人都係佢一手帶大，老細冇變但係一直等都係得個吉！佢靶心一橫決定睇吓出面有咩機會，因為以佢嘅條件一定好多銀行鍾意，重有就係唔jumpy !
但係事實係完全兩回事：一般有銀行會有兩種情況搵Team head: Replacement or New Set Up ! 如果兩種情況都未能在本行找人升任，好明顯Hiring Manager 要搵一個比想像中更強的人! Expectation 會更高！Hiring Manager 期待你已經是Team Head 或者Deputy Team Head 多年的人才。而作為Team Head 最基本條件……. 下次再談！
